اساں کمّی کارے سدّے حویلی
پَیراں دی بو پئی آوے،
تاڑ گُھور اساں پَیروں واہنے
انگیٹھیاں انوائیاں ست خشبوئیاں دِیاں
بو نہ جاوے،
اساں جھبدے گل مُکائی سارے ٹور دِتے،
بو اوویں دی اوویں،
سردل بولی، اُڑ اِک سُنو نا مینڈی وی:
پیروں واہنے اندرے رہن دیو
آپ تُساں ٹپ مینوں باہر نِکل ونجو
دگڑ دگڑ جیہڑا پندھ کریندے آئے او ہُن تائیں
موڑ پیراں نوں پُٹھے داء وگاؤ
اگے آسی سانجھ سروور
دھا اوہدے وِچ پیر سُگندھل کر آؤ