فرید بھنڈار

رُکھ آہندے نیں
پتر اساڈے کھاؤ
تہاڈے وی نیں،
پِھک کوڑ نہ گولو
گھنی ستیا ہے اندر ایہناں دے،
روگ روگ دا دارو،
پشواں دیاں ہڈ پٹھیاں چ سگھ1 سَک2 اوہا تے ہے
پِھک کؤڑ دی گل نہیں،
باراں مسالے گھت کورما رِنھ گِھنو
گھیو گُڑ پاؤ حلوہ کرو،
گل ارتھاں دے پوتھے3 دی اے
جیہڑا پتر پتر وِچ لِکھ دھریا اے دھرتی،

-1 سگھ= طاقت- -2 سک= سکت- -3 پوتھا= وڈی پوتھی (کتاب)-
ایہہ جو جنگل رُکھڑے ہرئیل پت تنہاں
پوتھا لکھیا ارتھ دا ایکس ایکس مانہہ
(فرید)
پچ جاسی اوہ کھاون چباون نال
کہ مچ پوسی مُڑ روم روم وِچ کال دے ساہ دی بھا
جُگ جُگ کھیکھن رنگ برنگے کر کر جیہڑی بجُھائی
تہاڈیاں وڈیاں