جنڈ کِکّر تھوہر کنڈیالے وِچے
نِم دھریکاں پِپل بوڑھ
وِچے ای چِیڑاں انبر ٹوہنیاں
پام پپیتے کیلے ویکھو
ہور ونو ون ولاں بُوٹیاں،
ایس باغ وِچ جل تھل اُبھا لمّا کیویں
لہند چڑھت لاہ ہوئے اِکٹھے،
ہُم پالا تپیالا کِنج ڈُھکے ہک جائِیں،
کیہ کوئی میلہ ہے
کُن فیکُون دیہاڑ مناون دا؟
ستھ صلاحی جُڑی اے کوئی
دُڑک دھاوندے سُک ساڑ نوں ٹَھلّن لئی
اکے سانجھ کرت دا ریلا ہے
مَلّ ویہار اُتَھلَّن لئی؟