فرید بھنڈار

تینڈے در درشن دا دان

مدُھوکڑی1 جاں جُڑیا

دھرتی کر بی نینہہ دیہہ اپنی اندر دھریا

نِسّر چِت تروور2 ہویا

چُنگھ تھن کال3 نِتھاوِیں دا،

ٹاہن ٹاہنیاں سِک گلوکڑی

سَگھ4 سُگھ5 نِکلے ڈُس نوکیلے

کُھل کُھل پَتر بول سُریلے ہوندے گئے،

پُھل پَھل جمع نہ جتھا بھنڈارِیں

وٹن کھٹن نہ روک6 اُدھار بزاریں

نام7 ناؤں ہویا اِس ون8 واس9 بے ناوِیں دا

1- مدھوکڑی= تھاں تھاں توں پِن جوڑیا فقیری ٹُکر-2- تروور= رُکھ-3- کال= وار رِیت وِچ کال دا نار رُوپ (کال بُلیندی)- پُرانے ویلے جدوں نر چڑھت نے نار نوں ادھین بنا دِتا تاں نار دی نابری کال (وقت) دا رُوپ دھار گئی- کال دا متا ہے نر دے اُسارے جگ نوں اصلوں مکاون دا- کال جنی کھنی دے اچیت وِچ ڈھل گئی-4- سَگھ= طاقت، سکت-5- سُگھ= عقل، سمجھ-6- روک= نقد-

7- واس= خوشبو-8- ون= رنگ- -9 نام= کُل ناواں دا اِک ناں، کُل اِکائی-