فرید بھنڈار

دیگ دوارے دھری ہوئی اے

دعا پڑھیندے پئے نیں قبلہ

گھیر دوالے ہتھاں چایاں دا

لنگھدی میں وی کھلو گئی آں،

دعا پڑھ گھتی نیں

ڈھکن خاص الخاص مرید سرکاء

پُھوک مروائی اے،

ٹُرن لگی آں

''کھلو تبرک لے جا''

خاص الخاص مرید کول ہو آکھیا اے

''کیہدی دیگ اے'' پچُھیا اے میں

''سِر منصوری ٹنگ صیلباں عُمراں اساں سُکائے نی

سرکاری گُدام بھرائے نی

پکدے نیں ایس دوارے اوہا،

چکھ موچنے

جلوہ قبلہئ عالم آن دخول کرے

چُھٹے ہتھوں آر1 جیہڑی

کَھل ساڈی نوں وِنھدی میہنیاں نال آئی اے

اکھے موکھ2 مریندے خلق نوں عَینوں غَین کریندے ا

1- آر= موچی دا رَچھ چمڑے نوں موری کر کے دھاگے نال گنڈھن لئی-

2- موکھ= 1) کُھل، ازادی، 2) توِیت دی اُجرت-