فرید بھنڈار

(چونک چ گڈّے نویں سجاوٹی جَنتر کولوں لنگھی اے ڈھانی کُڑیاں دی، ہیر وارث دا کھیال کھیڈن پئی جاندی)

نہ نی

ولّاں ناہیں

اساں تے گھاہ پوریاں 1،

نپ کپ ساکُوں گڈیونیں چونک وِچ پِنجرے

دھریونیں پنجرہ جِتھاں سپاہی

کھڑ ہتھ دیندا ہا انگریزاں ویلے،

پنجرہ کیہ اے

کُھوہ اے گول اَن گالیا2،

دوالے موریاں نیں

اِکو جیہیاں گھیر گھتارے اَڈِیاں

وِچوں ساڈے مُونہہ کڈھا

ایہناں چونک ترونکا لایا اے؟

اکھے ''لؤ ساہ ایتھوں

پی پٹرولڑ پُھوسڑے کاراں موٹر سائیکلاں دے

ساہ دیواؤ ٹریفک واناں کوں

نالے اوہناں نال اکھ مَٹکّا لاؤ،''

نی ہُن جاؤ اڑیو

کھولو جتھاں ونج عشق خلاصہ

اوہا جے ساڈا پاسا،

لمی کتھا اے

بھوئیں سُناسی تہاکوں

1- پوریاں = حصے-

2- گالیا= پکی گول کندھ اُسار کے اوہنوں کچے کُھوہ وِچ اُتارن کھوہ گالن اکھواندا اے-