کیہڑی جنجے ہُن رلنا ای جُمعیا
جُمعہ جُمعہ اٹھ دن دی پیدائش
والی گل وی خبرے تیرے بارے ای ہووے
چڑھ چڑھ جنجاں اَوَلیاں ڈُھکِیاں
لَین کیہ آئیاں لے کیہ مُڑِیاں
تُوں پتہ کر لینا ہا کیہ،
ساگ مُتنجن کُکڑ قورمہ دیگی توں کھانا ہا سو کھادو
ایسے کارن اچکن پگڑی کُھسّا تُوں سانبھی بیٹھا سَیں
مگروں اِک ٹائی سُوٹ بُوٹ وی لنڈیوں اُتوں ٹوپی
آہو جیویں رنگ جنج دا ہووے تیویں تُوں آونا ہویا
لبھ جنجاں ہُن جُمعیا اوہ کِتھے لُکیاں،
ایہو ای بندی او
ہفتہ ہو آپے چڑھ گھوڑی
جمعرات ہو وڑ بہو ڈولی،
سوویں نہ گولی کھا کے
کیہ پتہ
عجوبہ خبر دے سیکشن1 والا
چار وجے کوئی کُنڈا تیرا کھڑکاوے آ کے
1- عجوبہ خبر دے سیکشن والا= اجکل ''عجوبہ خبراں'' دا وکھرا سیکشن ہوندائے اخباراں وِچ- اوس سیکشن والے جِتھوں ہو سکے اچرج خبر لبھ کے تصویر دے نال اخبار دے اوس حصے وِچ چھاپدے نیں -