''چُپ کر بہو اوئے''
''کیہ ہوسی جے بولاں؟''
چپڑاسوں جاسیں، ٹُکر کُھہاسیں
''نہ رن بال نہ چُلھا ویڑھا
منگ کھاساں، کیہ جانائے میرا؟''
''چِھتر کھاسیں''
''ہور کیہ چاہیدائے، بُھکھ لہہ جاسی''
''سگوں بھڑکدی او لہندی کوئی نہیں''
''چنگا وڈیو
نہیں گل کردے، جیویں آہندے او،
ساڈے جیہاں نوں چُپ کراون دا ٹھیکہ جیہناں کول ہووے
اوہ بھلے جہان وسا جاندے نیں
ون سوَنیاں ست پتالاں، ست نویں اسمان،
تارے بھیتی قسمت دے
مُونہہ ویکھدے اِکدوجے دا
رات لنگھا جاندے نیں''