پُل جیہڑے راہ وِچ آئے
اسیں ہیٹھ اوہناں دے سُتیاں،
اُپروں اوہ لنگھائے
آہے پیر جیہناں دے بُتیاں 1،
سسی تے آہی محلاں دی جائی
دھوبی گھر پل بَوہڑ محلیں آئی
پیتی جو پیائی وپاریاں
سون اوہدا تے غفلت ہویا،
کیہڑے برخوردار2 نوں دسیئے
اکھیں نوں پچُھدی اے نِت ساڈی نیندر
کیویں اوہ جاگ جگت نوں لائے
لاہ بُتیاں جیہڑی پیر اُدھرائے3
1- بُتی= مِلکیت دا نشان-2- حافظ برخوردار- شاعر جیہنے سسّی دی کہانی کیتی-
3- اُدھرائے= آزاد کرائے-