دِن ویلے ایہہ بَتّی بلدی رہندی اے
جی کریندائے پچُھیئے تاں سہی
ایہہ کیہنوں کیہ پئی کہندی اے
پچُھو جیہنوں آہندائے چونک اشارہ اے،
پروفیسر ساڈے آہندے نیں نہیں، گولو گیس غبارہ اے،
بھاء شپے ہوراں سَیدو پَھپّھے کُٹن ول سانوں ٹور دِتا
سَیدو پھپّھے کُٹن آکھیا
''پچُھو اوہ ٹاکی پھیردِیاں نُوں ساہمنے گھر وِچ''
پچُھیا تے اِک دُوئی ول سینتر کر گئی اے
دُوئی آکھیا ''دس چھڈ تُونہیں''
سر سٹ آہرے لگی سرکدی پہلی آکھ گئی
''کیہ پتہ کوئی رین وِچُھنا رَتّا سنیہی تارا اے''