کن پئے پچُھن واء نوں
''سہج کیہ ہے
جیہدی تُوں سُنیائے گُڑھتی اسانوں دِتی''
رمک رمک ٹوہ چُم تِنہاں نوں آہندی اے:
''ہِکو جیہا ہوون
جو تُساں ہو،
اپنے آپ نوں مانو''
''تُوں وی سہج ہیں؟'' پچُھدے نیں کن،
''آہو''
''پر تُوں تے ہنیری ہو وی جُھلنی ایں
ڈھا برَبّر کرنی ایں تِڑیاں چڑھیاں نوں؟''
''آہو تدوں
جدوں ہَونکے کِتلے کھپّا
اوہنوں پُورن لئی،
آہر ہویا اوہ تاں سہج تھیون دا،
اُچ جِھک کِتے وی ہووے
ہوئی تاں اپنے آپ دے وِچ ہی''