''اکھیاں جیہناں جگ ٹھگیا
فریدن1 تکیاں نیں
کدے سُرمے دی لِیک دا بھار نہیں سن جردیاں
ہُن سچیاں 2 اوہناں دیاں اندر گِرجاں
دِتے ہوئے نیں آنڈے،
اکھے روا اساڈا مُکدا پیا اے
اگوں جگ توں موت نوں سوتن والا
رہیا کوئی نہیں،''
''اوہ اکھیاں جیہناں جگ ٹھگیا ناراں دیاں ای نہیں
کر کے سولاں سنگھار جیہڑیاں نِکلدیاں نیں
بھرمی نر پسماء لنگھن لئی،
اوہ شاہاں سُورمیاں سالاراں
وزِیراں مِیراں دِیاں وی نیں
مفکراں فلسفیاں دِیاں
ادیباں خطیباں دِیاں وی
نام انعام جیہناں دے
چَھتاں دے متھیاں تے چَھپے ہوئے نیں،''
''جِتھے وی جَھٹ مِٹی اپر پئیاں کدیں اوہ اکھیاں
لنگھدیاں کاونیاں
اوہ تھاں ولا ای جاندیاں نیں
متاں وِٹھ رُوڑی نال نظر اوہناں دی وت نہ پُھٹ پوے''
1- فریدن= بابا فرید:
(جِن لوئین جگ موہیا سے لوئین میں ڈِٹھ کجل ریکھ نہ سہندیاں سے پنکھی سُوئے بِٹھ)
- سچے= سانچے، فریم-