جو ورتدی پئی اے اساڈے نال
کیہڑے تول تُلیسی سانوں
کیہڑے لیکھے لاسی
ایہہ جاچن اساں جُڑیاں،
گلاں کریندیاں سہج سبھا ای
اکھر جِبھاں چوں نِکل
سَینتراں کرن اچرج نہ لگ پئے جوڑ1 پُرانے ول
اساں مُڑ رل واچیاں قِصے کافیاں دوہڑے شبد تے واراں
تاں کار اچرج تھئی
ہوئی ورتی، ہوندی ورتدی آہمو ساہمنے ہو سیاتا اِکدوجی نوں
لاہ پہراوے جانے پچھانے
رچیونیں بھوگ اچنبھا
کرت نویلی رس کر پیریں اساڈے دھائی
چَھٹ بیاجا مَلّ ویہارا
جی ورتن دی سار تن من وِچ سمائی
1- جوڑ= شاعری-