فرید بھنڈار

پڑھ پُختے لِکھ لوڑھے

چڑھن عِلم دے گھوڑے،

سُرت سار1 دی پہن کے وردی

دھن وانی دے پہرے دار ہو آون،

آپے شاعر آپے فلسفی

وار2 تے ورتن سار3 دے ماہر،

آپ بزاز تے آپے درزی

دِین دھرم دے رنگ رنگ جوڑے

مُوڑی نوں پہناون،

کر کر کسبن روز نوِیں

مجماناں دیاں حرماں اندر بہاون،

مُوڑی وانگوں پڑھ پُختے وی

ودھ ودھ ہوون تھوڑ دے توڑے4

1- سُرت سار= سائیکولوجی، نفسیات- 2- وار= تاریخ، ہسٹری- 3- ورتن سار= اِکنومِکس، معاشیات-4- توڑا= 1) تھیلا، بوری، 2) پیسے رکھن والا تھیلا، 3) بھان، ریزگاری، چینج-