کون دسائے سانوں بھلا:
کِتھوں سریر اساڈے آئے
اُسرے نِسرے کِتھائِیں
کَیں سانوں لِنگ لنگوٹ چڑھائے
کَیں لہا پُشاکی مخمل
وردِیاں کس کسائیاں،
الف کیویں نر ہویا
سِدھا کھلوتا اے تاں ای؟
لمیاں پئیاں تاں ناراں نیں؟
بے پے تے ٹے یے؟
کیہناں جِبھاں توں سانوں کرُولیا
باراں مسالے مَل کیہناں بھُنیا،
تل تل کیہناں کوابِیا سانوں
دبّ شرابِیا کیہناں،
پچُھیئے کاہنوں اسیں
لُوں لُوں بھیت اساڈا جیکن
تیکن جنی کھنی دا،
آپ نوں پاوے ہوئی ہوندی اُتَھلّ جیہڑی
سوئی سانوں سُنجانے