دانشور روندے نیں
دردی شهر لہور پُرانے دے
جیہڑے اج گدام نیں
سَودا دو نمبر جِتھوں اِک نمبر ہو آؤندائے
کدیں حویلیاں ہوندیاں سن اشراف دِیاں
منڈیاں تدوں وی آہیاں پر اوہ باہر فصیلوں آہیاں
کوئی پُچھے ایہناں نوں بھلا سیانیو
گوہ کرو
ایہہ کوئی نوِیں پہیلی پئی اے
تدوں اشرافاں شاہی گداماں وِچوں نِکل کے
دو نمبروں اِک ہو حویلیاں پائیاں
ہُن منڈی اشراف تھئی سو آن حویلی پئی اے
باقی رہی فصیل تے اوہ
انگریز جدوکا آیا اے وڑ عام کندھاں وچ گئی اے