ایہہ جاتاں دے کچ کنَستر
ایہہ مذہباں دے پک پلستر،
ایہہ قوم ملک دے دم دم چُڑ مُڑ ہوندے
روز اخباری اشتہار تپائی اِستری
پھیر پھیر کے پائے وستر
کیہڑا ننگ لکاوندے نیں پئے
اساڈا جگ تے آئیاں سانجھ وسائیاں دا؟
ہر لُکاء اپنا بھیت وی آپے دسیندائے
ایہہ آہندائے میں لُکاء ہاں اوہناں دا
جیہناں گھال تُساڈی کر کے وست ویاہونی ہوئی
مُڑ ڈاہ بزاریں اوہنوں کمانا ہویا لاہا
لاہے بِنا ہے ساہ پھاہا
ڈردے نیں متے اکھیاں اوہناں دیاں
سانجھ کھیڈیندے رنگ دے سنگ نہ ہو جاون