سائیں رکھیا
سانوں وی چکھا جو تُوں چکھیا
وِتھ وِرثے جائداداں
مامے پُھپّھڑ ماسڑ تائے
شِرک شریکے گھان اولاداں
گنڈھ پَھٹ کُڑم کرائے
وِس ونڈ اَنھ کھنڈ بُھور
سائیں رکھیا
سانوں وی چکھا جو تُوں چکھیا
دُور اوہ جیون آس مُراد ہے جَیں دی
اُتنا ای نیڑے ہے
جو نیڑے ہے ایس ویلے ایہنوں کرئیے جِتنا دُور
سائیں رکھیا سائیں رکھیا
پلاٹ پلازے چَٹن مُربے
پانی بوتلاں دُدھ دے ڈبے
وکھ وکھ چُلھ وسماء تپائیے
کُل دا اِک تندُور
چکھیا اساں جو تُوں چکھیا
چھڈ من مندر حرم تن گیڑے
سجیوں کھبے کھبیوں سجے
کرئیے سہج1 حضور
سائیں رکھیا، سائیں رکھیا
1- سہج= قدرت دا ویہار، اِکائی، جِیئاں دا اصلوں اِکو جیہا ہوون-