لوک پُراتن آہا لُہارا ترکھانا
وسدی گئی ایتھے
داد اتے پڑداد اساڈے ورگیاں دی،
پِچھے جیہے
پتہ لگا شہر نیڑے پیا ڈُھکدائے
مُل زویں دا پَین لگا
دو گھر نالدے وِک گئے
گھراں والے اُٹھ کوٹھی کواٹر وچ کِسے جا ٹک گئے
جنیاں کوٹھی والاں دے
بھانڈے مانجھن ایانے سانبھن لگ گئیاں
وگ شہر جنے ورک شاپاں وچ جا لگے
وکی بھوئیں اُتے چار منزلہ محل کھلوتا آن
ہماتڑ تک تک اوہ دِن رات
ادُھورے ہوندے گئے
لِکھی نوں روندے تسبی وچ پروندے گئے
مُڑ کوٹھی کمیریاں کولوں اُدھار پھڑ پھڑ فوناں لے لئیاں
نِیجھ نہ سرکے
ویہل متھے نہ لگے