اساں گُھنڈ کیہدے کولوں کڈھنا
آپے نار البیلی نراں لئی
ناراں لئی نر بانکا،
لڑیاں بَلباں دِیاں
سِر دا سہرا جنِیاں جانن
جنے متھے دا گہنا،
نہیں، اساں کوئی اج نہیں مالاں 1 بن کے ایتھے آ کھلیاں
وارے لگدے نیں،
کرو کروڑاں عاجز روڑھو
پورھیا اوہناں دا جَتھ جوڑو
پالو اوہدے نال گِنے چُنے رج پُجّے
جیہڑے سوار پسار کھلہارن سانوں مالاں منالاں 2 نوں
ہے ایہہ کم کوئی سَرل سُکھالا؟
پھیر اوہناں کروڑاں رُڑھیاں وِچوں
کوئی سَو ہزار جیہڑے گُھل گھال تر سَر لک سِدھے کر گئے نیں
گھوٹ مشہوریاں دن رات سُرکاؤ اوہناں نوں
گاہک بناؤ،
پھیر اندراں چوں ہُسڑاء لیاؤ ایتھے
ہے کوئی آہر سوَلّا؟ دَسّو؟
سو جِیون جوگیو
بتی شہر دی جاوے تاں سمجھو برکت جے
جس ویلے چاہو نِکل گھراں چوں آؤ ایس حضور
مانو نُور تَجلّا
1- مالاں = جمع مال- (مال= ہٹِیالہ، دوکان گڑھ، شَوپِنگ سینٹر)-
2- منالاں = جمع منال- (منال= جائداد، پیسہ کماون والی (