کَھٹ کِھچ کے چُک ویچ کے
اسیں ویاہی کوٹھی
جیویں خیال سی آپنے آہر نال شامیں روز اڈیکے سانوں
ایہدیاں فرشاں ٹباں شاوراں نال رہے اسیں لِٹدے
نِت نویں میک اپ لئی
ایہدے اشارے
چیک بُک ساڈی
کُولیاں اُنگلاں اگے چڑھائے ترکھیاں نونہاں نال ٹوہندے رہے
''بی بی اکثر لیبر روم اے
ڈرائنگ روم نہیں
ہمت کر توں سدھا کیس اے تیرا''
''دن چڑھیاں کِتے جا کے مُکنائے ساڈا بھاجڑ پھیرا''
''لال موری پت رکھیو بلا''
مبارک ڈارلنگ
سڑک کمرشل ہو گئی
پُتر لان لُکاؤ پچھلے پاسے
اگے دِھیاں دُکاناں ڈاہو دھن بگانا
آہو دھیاں ای ماپے سانبھدیاں نیں پچھلی عمرے