ہٹیاں دفتر ٹھانے
جد تائیں ڈھیندے نہیں
اسیں اک دوجے نال رہنے آں پر رہندے نہیں
بھائیا ساڈیاں اندراں دے وچ دفتر نیں
مِلن والے سانوں یاں نوکر یاں افسر نیں
بھائیا ساڈیاں اندراں دے وچ ہٹیاں نیں
کھاتے وچ جو کھٹیاں اوہا چٹیاں نیں
بھینا ساڈیاں اندراں دے وچ ٹھانے نیں
اسیں ٹھانے اندر بہا کے آپیں چور بنے
سنگتاں کولوں دارو منگیوں باجھ کدے
ایہہ روگ پرانے جانے نیں
سنگتاں کولوں ملن تاں دارو
سہج سبھا کد پُھردے نیں
دفتر جیہناں نوں اندراں وچ سُکھائے نہیں
اندر ہٹیاں پئیاں جیہناں نوں نہیں پُگیاں
ٹھانے اندر بہائے جیہناں پَچائے نہیں
اوہ لوک نمانے
لوک سیانے
پئے کِرنم کِرنی جُڑدے نیں
دیکھو نویاں دِناں ول سَنگ کدن ہُن ٹُردے نیں