''آکھن وِچ ایہہ اساں ہُن شرم کوئی نہیں
جیہڑا آیا سو آگیا
گیا سو گیا
آواگونی اساڈڑا دھرم کوئی نہیں''
''اوہا گل نہ ہوئی ایہہ
جاگدے نیں جیہڑے جاگدے رہن
سم گئے جیہڑے اوہ رہن سُتے،
ڈَھے پئے جیہڑے رہن ڈھٹھے ای اوہ
چڑھ گئے اُتانہہ رہن چڑھے اُتے،
مُدّا ایہہ اساڈڑا کرم کوئی نہیں''
''تُساں کہن کیہ آئیاں ہو اصل دسو''
''جیہڑیاں جاگ پئیاں
جاگ نِت نویں اوہ تے منگدیاں نیں
سُتیاں نِت سہاگڑا بھوگ لوڑن،
جاگن سون کوئی کم نویکلے نہیں
سہج رات دن ویلڑا میلڑا ہے
اساں آئیاں تے نہیں
نہ ای گئیاں کِتے''