بوہے اگے پِل گولی کھیڈے نِکا
میں وڑیاں تے ہسیائے
''اب جو کچھ بھی لکھنے والا لکھے گا
وہ آپنی ماں بھین کا سوچ کر ہی لکھے گا''
اندر کافی سارا کٹ کے اپر لکھیا ہویائے
تے ہیٹھاں ''اپنے کئے کرائے پر پانی پھیر کر جائیں شکریہ- انتظامیہ''
باہر آیاں تے گولی چھڈ کے آہندائے نِکا:
''انکل اک رپیہ''
''کاہدا اوئے''
''اک رپیہ چھوٹے دا تے دو رپیے ودے دے''
اوس بوہے متھے لکھیا ترجمہ کر کے دسیائے
''سرکاری تھاں اے بیٹا''
“ہن نہیں سرکاری
تن مہینے ہوئے نیں ٹھیکہ ہو گیائے''
''موتر دا وی ٹھیکہ ہوندائے؟''
''ہور ایہہ گھر باجی دائے
جیہڑا مرجی بہہ جائے آ کے''
میں ٹریاں تے اوہ مگروں بولیائے
''آویں پھیر توں''
جھٹ ٹھہر کے اک پیر تے نچ کوکیائے
''مفتوں سے ہشیار رہیں‘ مفتوں سے ہشیار رہیں''
اندر جاندیاں بوہے توں میں پڑھیا کیوں نہ
میں جاتا سی گولی چُٹ کے ہسیائے نِکا
خبرے انج ای ہویا ہووے