اوئے ساڈا ویلا ہور ہا چِھچھڑیو
میچ مُکن تے جِتے ہارے اودوں ہتھ ملاندے سن
ہُن ویکھو نا، مُکّے کَس وکھاندے جے
تدوں ویکھن والیاں ول نِیوں کے ہسدے سن
ہُن بھگیاڑی وجہ بنا کے اپنے آپ نوں دَسدے جے
اج گالھ مندا قانون جے کنجرو
ودھ گھٹ تے جرمانہ ہوندائے
ہتِھیں پے پے میلہ لُٹدے
مَتھے ٹیک مدان مار کے آوندے نیں
پھیر چوّی گھنٹے کُچھڑ مدان کھڈاوندے نیں
اوئے آہو کھیڈدیاں نیں کُڑیاں
جو مردانائے سوئی زنانہ ہوندائے
نہیں، سچی پچُھو شطونگڑیو
میچ کھیڈ نہ اگے آہی نہ ہُن اے
میچ اے آڈھا
ہر تھاں لگا
اپنی شناس بناون لئی
مگر شناساں لُٹیا مال لُکاون لئی
کدیں ہا ایہہ چِٹ کپڑِیا ہُن ننگ دھڑنگ پیا ہوندائے
آہو ساں وِچ اساں وی
تے ہُن کدوں باہر آں میرے بلُونگڑیو
دفع ہوو ہُن
چِچڑ ہو گئے نیں
چاء دی پیالی میری وِچے رہ گئی اے