مینہہ کھلوتائے ہُنیں ہُنیں
جے آکھاں رُکھ پئے روندے نیں
ایویں رُکھاں نوں بندے بناون والے گل لگدی اے
روون بندیاں دا کدے مینہہ ورگا تے نہیں ہویا
نہ ہَسّن تاریاں ورگا
سَو اُچی نیویں وچ آوندی اے
جیہڑی گِنی نہیں جاندی
نالے رُکھاں دے دُکھ پھولن لئی خبرے مٹی ہونا پوندائے
خبرے واء کہ پانی
جے آکھاں مُونہہ پئے دھوندے نیں
تاں اساں جیہنوں مُونہہ آہنے آں
اوہ رُکھاں دا خبرے پھَل پھُل پتراں چ ہوندا اے
تَن وچ کہ جڑھ وچ
یاں اساں جیہنوں مُونہہ آہنے آں
رُکھاّں نوں اوہدی لوڑ وی خبرے ہوندی اے کہ کوئی نہ