کِیتا اوہ پُگدائے جو تَت مہارا ہووے
تَت سُنجان ای اپنے دُکھ وِچ کُل دے دُکھ دی
کُل سُکھ وِچ اپنے سُکھ دی
تَت سَتیا ای سَتاں ہتھاں دی سَتاں پیَراں دی
دُھروں وَنگار کریندی
دُکھ ونڈن دا صَرفہ نہیں ایہہ
دُکھ اُکھیڑن دا اُپرالائے
تَت دے ہتھ مُہار دیونی اوکھی او
مَن سَنگدا ای
دیندا واپس مَنگدا ای
پر گَڈیا تاں لگدائے جے تَت بہارا ہووے
پولے پیریں کُولے ہتھیں اُگدا سہج سبھائیں
جنگل بن وَیندا اے گَھن اَنگا گَھن سَنگا
جنگل ساڑ دیو
کَندھاں چاڑھ دیو
تَت چھَپ رہندائے پَدھّر کیتیاں چیتیاں ہیٹھاں
واء وِچ وَتّر سَینتر وی سہی ہووے تاں اُٹھ کھلوندا اے