لِکھ لیکھا اَن لِکھیا
مَل مذہب کِویں ہُلیا
کِویں واء وچ کھور کُھری
کِویں زہر پانی وچ گُھلیا
مِٹی اَنب گئی
کِویں حدُوداں لگِیاں مَل کچہری چوں
روح بُت اوبھڑ دو
کِویں کٹھّے کوٹھی لائے
لِکھ لیکھا اَن لکھیا
کِویں جَنی کَھنی مَل مذہبوں کافر تھی گئی
واء کِنج ساہ بَنی
کِنج پانی اَمرت ہویا
مِٹی رِزق تھئی
جی مِلن جِیاں کوں آئے
کِویں مُڑ اُگھڑی جیہڑی متھیوں گھسائی ریکھا
اَن لِکھیا
لِکھ لیکھا