اسیں دُھواں باد دے واسی سَر جی جان دیو
دُھواں لاگی جدی مانگت دُھواں بھَنڈ سیاسی
سر جی جان دیو
عشق وی دُھواں مُشک وی دُھواں
گِلّا خُشک وی دُھواں
دُھواں ظاہر دُھواں باطن دُھواں اللہ راسی سر جی جان دیو
دفتر دُھواں منبر دُھواں صبر قبر پَڑ دُھواں
نک دی سیدھے ٹُردے جاؤ ہو جاسو دوپاسی
سَر جی جان دیو
دُھواں مستی دُھواں ہستی اوہا ازادی پھَستی
نون غُنہ مفرُور اے اجکل کَھگھ مرو یا کھاسی
سَر جی جان دیو
آپو اپنا پانائے کھانائے فرق مزار پوانائے
دُھوں اساڈا ماما ہویا موت نوں کہیئے ماسی سَر جی جان دیو
دُھوں کواری ویاہی رنڈی چھابا ریڑھی منڈی
دُھوں گھرہستی اَڈّی ٹَپہّ دُھواں سادھ سناسی
دُھواں جنج تے دُھوں ولیمہ
جو کُکڑی سو قیمہ
جَسّں پِھٹک دے ریٹ نیں اِکوّ دُھوں بکواس پَٹاسی
سَر جی جان دیو