فرید بھنڈار

ایہہ سَن سَٹھ دی گل اے

اسیں سکولوں نس کے اپڑے

‘‘پیسے کوئی نہیں

کرنا کُجھ نہیں بس تُسیں آپنا آپ ویکھا دیو’’

‘‘ایہو ای اے جو ویکھ لیا جے جاؤ’’

‘‘نہیں کپڑے لاہ کے’’

‘‘ایہہ مسِیت دا غسل خانہ اے؟’’

اگلے دیہاڑے پھیر گئے

‘‘سَٹھ روپے اسیں لے کے آئے آں’’

‘‘چار جنے او خیریں مہریں پیسے گھٹ نیں’’

‘‘کرے دا اِکو

باقی سارے ویکھاں دے’’

‘‘کون کرے دا؟’’

‘‘ایہہ بِلّا

ایہدے تریہہ روپے نیں ساڈے دس دس نیں’’

‘‘تیرے تے اجے آپ کمائیاں کرن دے دن نیں بِلیا

پیسے پھڑو تے نس جاؤ

پُلس دا ریٹ1 پینائے

ایتنے ای لَین دے اوہ وی تہاڈے کولوں 

ٹھانے وِچ وی کرے دا بلّا

باقی سارے ویکھو دے’’

1. ریٹ:  ریڈ، چھاپا