ہیٹھاں بیٹھا
کاغذ پنسل ہتھ
اُپر تک میں پُچھناں اپنے آپ نوں جیویں
دَس لِکھاں کیہ ہور
بیری آہندی اے
‘‘لِکھی جُل وت ہور جے ہور ای لِکھنا ای
میں تے نہیں تیری ایڈیٹر
مینوں تے کاٹھے لگدے نی
تُوں تکناں اے سیؤ’’،
میں چُپ کر سِر نیواں کیتائے
ہسّی اے اُڑ نیڑے
‘‘پڑھ
لِکھن پڑھن ہے ہکا ای کم، نہیں؟’’
‘‘کیہ پڑھاں تے کیویں’’ میں پُچھناں
‘‘پڑھنا ای پیائیں جدوکا آیائیں
وکھ جُون اپنی وِچ کھلوتا،
جُون ونجا
پڑھ ‘‘کون’’ میری
سہی ہووے تینوں تیری
لِکھیں نہ مُڑ ہور1
1 - ہور: دُوجا، دُوئی بھریا، بگانہ، اوپرا-