توپاں گڈیاں ہوئیاں نیں
مُونہہ درمُونہہ کھلو
چائیاں اڈیاں ہوئیاں نیں
پچھانہہ کھلوتی تکے مائی بھنگیاں دی1
‘‘نی اڑِیو
گھر گھر وِچوں کھوہ کھس بھانڈا پِتل تانبا
سَٹیا گال کے اندر اگلیاں تاں مینڈا تن تنیا
مسلمان پٹھانی ہو سِکھ جَٹی ہوئی
شہرو شہر میں مارو مار کریندی وتی
کندھاں ڈھاندی سِریاں پُھنڈیندی
ہو ہو ٹھنڈی تتی،
کموں رہ گئی ہوئی ادھ انگریز
مال روڈ تے ڈاہ کے مینڈی میز اوہ ٹُر گئے،
رج گج وج لؤ جتنا دم جے
چونکو چونک کھلو کے دھوئیں دھاون ہی اوڑک دھاڑ ہے
شہروشہر جیوں شاہ سالار
پتھر گھوڑے اسوار
اُڑد بزاراں وِچ لائی لام کھلوتے نیں’’
1 - مائی بھنگیاں دی= بھنگیاں دی توپ-