مکھے نِکی جیہی اِک پیر تے دندی وڈھن کان
مُوہدی دوہری ہوئی ایں کُڑئیے اڑئیے نی
ہے چنگی بھلی تینوں سار
ہزاراں ورھیاں دی
دندی تیڈی نال بندے دا کیہ جاندا اے
بس کِھج کے ذرا جیہا
ہتھ مار تینوں جھاڑ پیر توں لاہندا اے
دندی وڈھن دا جھاڑ سہن دا دوہرا بھار
دس کاہنوں سہیڑ توں بہہ گئی ایں
اکھے وِیر وے دندی جیہنوں پیا آہنا ایں
ٹِل ای اساں جۂیاں دا
چیتا تینوں کرائیے بندیا
اَس تُس پکھنُو مچھیاں واء سروور
ایس جگت وِچ ناہیوں بے لاگا وِرلا کوئی
وس رس گئیاں ایتھے جُوناں اَن گِنیاں
گُھل گَھڑ جوڑی جُگاڑ جیہناں تیڈی مِستر دی
ہتھ تے انگلاں
ڈال کرُنبلاں
بُھلن اک نوں کُل دا ست گواون ای
رنگ کِیڑی نال کھیڈن وِیرا
سُتی کلا جگاون ای
1 - جُگل= گل بات، ڈائیالوگ-