”نی چَپّنیئے1
میرے لئی تُدھ بنِیوں
ویاہی نال آءِیوں
جھٹ دُوجے دے مُونہہ ونج لگیوں نی کوٹھے ٹپنیئے“
”وے گھڑیا تُوں خالی سیں دُوجا بھریا
اوہدی ٹُٹ گئی مینوں اوہدے سِر دھریا مالکاں
اوہدی نویں آئی
مُڑ میں تیرے سِر ڈاہی
چپنی آں میں بھریجے کجنی کہ پگ چُدھرانی ٹوپی میانی
ہور کِسے سر پَے گئی پت لج تیری لہہ گئی“
”سکھنا ای ساں مر کھپّنیئے
جدوں ماپیاں تینوں میرے ہتھ پھڑایا
سکھنا بھریجن لئی میں ہوناں
ایسے لئی گھڑیجا کچیؤں پکا تھیا“
”وے اڑیا
پکا تھی کیہڑی سوہنی نوں تُدھ پار لنگھایا
’دس میں کیہ کراں کنڈھا دُور نی اڑِئیے‘
کچا ہو تُدھ آکھ سُنایا کیہڑا
چڑھ گھڑونجی ہٹی واناں دی مَشکاں چَھکدا آیوں
نِت سکھنے رہن دا متا بنا
لہہ ایتھوں ٹِھل دریا
تینوں میری لوڑ نہ رہے“
1- چپنی: گھڑے دا ڈھکن-