ایہو دینہہ جیہڑا لنگھ جُلیائے
ویکھو رہ جاوے
متاں تک سجناں دی بن کے
سُن کے سہہ جاوے
ہوڑے موڑے بول جو وچو وچ جوڑ سناون
ایہو دینہہ جیہڑا لنگھ جُلیائے
مُڑ چڑھے تاں چڑھیا لہہ جاوے
بن کے رین سنیہا وجوگیاں روحاں دے پچھواڑے
ایہو دینہہ جیہڑا لنگھ جُلیائے
متاں لنگھدا لنگھدا کہہ جاوے
کھس کے کرنی جیہیاں تیہیاں دی
دَھونسل1 قلعے اُسارن میں نِت انوایا گیا ہاں
اج میں تاڑ گھدائے
تھکیاں ہتھاں پیراں وچ رلکے اُٹھ کھلوون دا ہٹھ سردا
ہُن میں مُڑ نہیں آونا