ٹوئے وچ پانی اے
دو بتکاں وڑیاں نیں
وڈیری بتکا اے خبرے
کاں دو آئے نیں
کاں کانوی اے جوڑا کہ دوویں کانویاں نیں
بُھڑک اگیرے ہوئی ہوئے نوں بتکے ہوڑیائے کس لمیری گِچیّ:
"پُھٹ جاؤ پانی ساڈا جے
تُسیں کون او بھنگی
تَر وی سکنے آں اُڈ وی سکنے آں
اسیں ہاں بیڑا جنگی
ٹَل جاؤ بھلا تُساڈا جے"
دوویں اُڈ گئیاں نیں
جَھٹ مُڑیاں نیں جتھڑا تھی کے
ٹوئے نوں گھتیو نیں گھیرا
بتکا اُلرے، قدم پچھیرے، مُڑ دو قدم اگیرے،
پِچھوں دی ہو کے
بتکے دی پُوچھل ٹُھنگ مُڑ ساہویں ہوئی اے پہلی کانوی:
"گَل کر ایڈمِرل
کِتنے گُھٹ تریہہ ای جنگی بیڑے نُوں؟"