"حضرت ویڑھا شاہی مسجد جیڈا کراوُ لگدے او
دربار ای وچ نہ آ جاوے"
"ویکھی آ توں نظر دیوے تینوں دیون والا
ایہہ ویڑھا نہیں مسجد دا
ایہہ ساڈا جپھّا ای
گھُٹ کے مار دینائے اساں ڈھول ڈھمکّا مچ مَچکاّ ایہناں دا
بڑا کُجھ کر بیٹھے نیں اگلے
اوقاف دا کِلاّ ٹھوکیا سِر وچ صدر ایوب نے ایہناں دے
نہیں منّے
خُوق حرام ای ہویا تے شہروں باہر ہویائے نا"
"تہانوں وی تے حضرت ایتھوں ای مِلدائے خرچا پانی"
"بُت گھڑن والیاں کولوں ای بُت بھناوندا آیائے ہمیشہ
صدقے جاواں پڑھ تاریخ توں
نالے اسیں دربار تیرا کوئی ڈھا کے کچا کرن تے نہیں نا لگے
وہابڑیاں دی یونیورسٹیوں پڑھ کے سانوں پڑھاون آگیائیں
اسیں تے اوہدے ویڑھے رکھنی او ڈولی سوہنیا
عُرس ویاہ ہوندا ای
حال دھمال ایہہ لہوے ایہناں دے سِروں تے سمجھ پوے نا"
"جیہناں ویڑھا کُھلا کرایائے حضرت لکھاں لا کے
اوہناں نوں سمجھ اے؟"
"نہ کھاں لاون، آکھ اوہناں نوں،
ایہناں ڈھول مار کے ایہو مچ ای لاونائے
اوہناں دے حق حلال دے کاروبار نوں،
جیہنے دتائے اوہناں نوں سمجھ وی اوہنے ای دِتی اے
پڑھ تاریخ تُوں، صدقے جاواں"