ڈِھڈ کھوہ 1
ڈر جاگ
ڈر نیندر
ڈر دا توڑ کرن اسیں نِکلے
ڈر دا توڑ ہا میں،
میں دا جوڑ ہا مَل جداتاں مُچھ مشہوری،
مَل دا جوڑ ہا تُوں توں وچھوڑا
کھور سوڑ پرچھاواں کھولا
تمبا تسبا اوہلا
سانوں ڈر توں ڈر تائیں اپڑدیاں
کئیں صدیاں بیت گئیاں نیں
ڈر نیندر
ڈِھڈ کھوہ
ڈر جاگ
میں دا توڑ ہے توں
بوڑ جداتاں
بوڑ مشہوری تمبا تسبا
میں دی لوڑ ہے تُوں
تُوں دی لوڑ ہے اوہلا چاون
میں تُوں دا مر جاون
سانجھ کلاوے
کوئی نویں جُون وَت جاون
ڈر توں ڈر دے گیڑ چوں نِکلن لئی
بُجھو کِنیاں صدیاں ہور اُڈیکنیاں نیں؟