انّھیا بھئی انّھیا
توں کہیڑا بُوہا بھنّیا
تے وِچ وڑ ویکھیو ای کِیہ؟
آپنا بُوہا بھن کے میں اندر پایا پیر
اگوں رَبّ دے شہر دا اوڑک کوئی نہیں
اوہدی ذات دے ناں نڑِنویں
جیوں سڑکاں دے ناں
میں اِک جِند کدّھر کدّھر جاں
ہار کے آن بُوہے وِچ بیٹھاں
کاغذ دِیاں میں کر کر کتراں
کوتر سو بنائیاں پُتلیاں
آپنے ناں دا نمبر لا کے
سڑکو سڑک وگائیاں نیں
ہُن سارا دن پیا نیجھاں لا لا ویکھناں
کِت ول گئیاں کِت ول ہو کے آئیاں نیں
شاوا شاوا بیلیو
آکھو تاڑی مار کے
انّھیا بھئی انّھیا
تُوں کاہنوں بُوہا بھنّیا