فرید بھنڈار

میرا ناں اے اصلی رکھّو

مہینہ ہویائے

بھائی جان مینوں شہر لیائے

مینوں مسرّت کرکے سددائے

آپاں نال میں رہنی آں، کِیڈے ٹھنڈے ہتھ نیں تیرے

میرے ای ہتھ نہیں ٹھنڈے رکھّو

ہور وی ہتھ ہزاراں نیں

تیرا مٹھّے تاء تے بَھکھ بَھکھ چُلّھا ٹھنڈا ہو ہو جانا اے

تیری گُلّی سُک جانی اے پئی پئی اِکو اسی

جیہڑا لتھّا لے اِک واری اوہ لتھا ای رہنا اے

ٹھنڈیاں ہتھّاں والیاں مُڑ کے مِٹّی گون نہیں آونا

جس ویلے راتاں ہوئیاں وڈیاں بل پینے نیں ہیٹر

ہوندا کِیہ اے؟ چُلّھا ای ہوندائے

پر بٹن دبایاں بلدا بُجھدائے

دُھوں چنگیاڑے کڈھدا نہیں

تے سیک ہمیش سانواں رہندائے

جس ویلے راتاں ہوئیاں وڈیاں تے دِن رہ جانے نیں چھوٹے

چڑھدے ڈُبدے نظر نہیں آونے جیہے لِبڑے تہے دھوتے

''آپاں'' نال توں پیسے لا لا پئی کھیڈیں چور سپاہی

''بھائی جان'' نوں دئیں کچ پکیاں آونی نہیں بھرجائی