''میری مَنت مراد ہوئی کوئی
کار بپار دی جِیا جنت دی، میں موم بتی بالی
تیری ہوئی توں بالی
ایہہ چھوہ گھتیاں نوں چونڈھی دھپھے دیندائے بچڑا''
''اوئے انھّے او، تہانوں دِسدا کُجھ نہیں
آپو آپنِیاں بتیاں بالو تے اگّے ہو ہو لوو بھنڈارا
سانوں تے نہ ٹُھڈے مارو''
''چُپ کر بلیا چُپ کر سوں رہو
پیراں ہیٹھاں پئے مدُھلیے
میلیوں باہر نہ جائیے
ایتھے چنگائے نگھ ہواڑھ دا
فرش دی ٹھار وی بُھجھّی ہوئی اے پیراں دے گھڑمس دے نال
باہر تے امب گیائے پِنڈا کلیاں بھوندیاں بھوندیاں