سَپ تراہ کے اندروں کڈھیا
ٹھپ سکنج سمھالی
سودا لین بزار گئے اسیں چاڑھ کے ہانڈی خالی
ویکھو لوکو، ویکھو لوکو
پِچّھوں کُنڈل مار کے ہانڈی دے وِچ بہہ گئی
ہُن سویر سارپئے بیناں اندر بھیرویاں بھر پھوکو
کیہ کِسے رِنھنائے کیہ کِسے کھانائے
دینہہ ڈھلدے نوں ایہو کھیکھن رہ جانائے
پئی لِکھ لِکھ ورقے پاڑ پاڑ کے دُھونی لا
سچ جھوٹھ سبھ کُترا کرکے اندر ڈاہ
اگ مچی تے وِچوں نِکل کے نچّے گی
جس ویلے دھوئیں آن کے گل وچ کِیتا پھاہ