چند ننگا کیوں نہیں ہوندا
ہور زمین اسمان دے سارے واسی
کپڑے لاہ لاہ
آپنا آپ وکھاندے نیں
چند کیہڑے کپڑے پاؤندائے
جے مینوں نظر نہیں آوندا
ہور تے جیہنوں ویکھو
جس ویلے کپڑے پا لئے ننگا ہو جاندائے
ہور تے جیہنوں ویکھو
جس ویلے بھیس وٹا لئے بھیت نہیں رہندا
)جیویں گل جیہڑی کہن سُنن وچ آ جائے گل نہیں رہندی(
چند روز رات نوں آوندائے
مینوں ویکھدیاں وی عمراں ہو چلیاں نیں
ایہہ کپڑے کیہڑے پاوندائے
جے مینوں دِسدا ای نہیں