اج میں کیہڑے کپڑے پاواں
ڈب کھڑبّے
چِٹے
کالے
ساوے پیلے
اکے لال گلال رنگاواں
اِک دل کردائے سارے کپڑے پُھوک کے کراں سواہ
نہ گھاہ پتر ولاں دوالے نہ ای بھبھوت رماواں
کھل وی گِٹیوں کھچ کے لاہواں
تے تھاں تھاں ٹنگ سکاواں
)پر گنڈے دی کوئی چھل کیہ لاہوے
چِھل کیہڑی تے گنڈا کیہڑا(
سمجھ نہیں آوندی
جے پاواں تے کیہڑے کپڑے پاواں
ہتھ کھڈی دے کے نویں مشینی میچے کٹے، بنے بنائے
آپے کت کے آپ بناواں
کے ہٹیو ہٹی جاواں
کیویں شیشہ مگروں لاہواں