پھیر دن چڑھیا
اوہو چڑی چُوکی
کھاڑ کھاڑ بُوہے اوہو پئے کھڑکن جیہڑے ایس ویلے روز کھڑکدے نیں
انج کھڑکدے نیں جیویں رل حُوراں گِدے پاؤن پئیاں
اوہو کھنگاں اوہو کھنگورے
اوہو پنچھی اوہو بولیاں اوہو واء ہلارے
جیہڑا بہشت اسیں آپے چھڈیا اوہدے ای نقشے سارے
مُڑ گھر آجا وے تیریاں دُور بلائیں
تساں ایس کنڈے نہیں آونا جے اساں اوس کنڈے نہیں جاونا جے
مچھی مار کے کٹنا اسیں ویلا پینگھاں جھوٹ کے تساں لنگھاونا جے
"سے ونجھیں چنانہہ دا انت ناہیں"
جھیڑا مُکیا کرنیاں بھرنیاں دا
اوکھی رات حساب دی ہو گذری