تُوں چِڑیوں ادّھی
نہیں ادّھیوں وی ادّھی کہ
چُنج لمیری تے پتلیری
سِر نیلا گل ساوا
ہور کال پہراوا
ترِکھی تربکی آویں
جھٹ کُولر خس وچ چُنج واڑ اُڈ جاویں
ہے پُوچھل کالی تے کُجھ دھوڑ بدامی جیہی وی
تُوں مور دی ماسی تے نہیں؟
تیرے کولوں جُوأں کڈھاندا
کنگھی پھراندا
ہیڑی1 باتشاہاں تے رِیجھ پیا اوہ
تخت دوالے پیلاں پاندا پُھل پُھل وڈا ہوندا گیا
لُک لُک نِکڑی ہوندی گئیوں تُوں اپنی کُھل بچاؤندی
باتشاہاں دا وارا مُکیا
دَور جمہوری آیا
مِیر مور درباروں نِکلیا چِڑیا گھریں سجایا
چڑھے ہاڑ تُوں
کُولر خس وچ چُنج ٹھار کے
دس مینوں کیہ آکھن آئی ایں