“عَلم عِلم ہے عِلم عَلم ہے”
سُنی سیانیاں کنوں چروکی
سمجھ آئی جاں ڈِٹھا
سیانے
ہسنوں ڈردے نسے پَھس کے ہس پئے نیں
نہراں کڈھدے ہوئے بارانی
پانی رِڑک تھئے آپ مدھانی
سمجھ آئی جاں ڈٹھا
ایانے لگے چروکے آئے نیں
جو ہے پندہ تھیا سوئی ڈیرا
آون ونجن ونجن آون
لوء ہنیر ہنیر سویرا
سمجھ تاں آئی جڑ پروار ہے
ویروا ویرج1
وچ اقرار انکار ہے
چروکا سُندِیاں اُتلا آئِیاں
سُن سُن کردِیاں
سمجھ آئی رَل کرن ہی سُنن کہن ہے
جگ پھرولن ہیٹھلی اُتانہہ کرن ہے