چڑھ اسمانیں اِلّاں
وڈیرا گھیر بنیندیاں
سَوڑ چَوڑ کر گھیر دی لیہہ مِٹیندیاں
اک دوجی ول لپک جھپک کے
چُنج پَر سُنگھ اُڈاری ماردیاں نیں
جیویں کیڑیاں مُکھ چُم اکدوجی دا
پال دے راہ وچ توڑ مشالاں بالدیاں نیں،
ہماتڑ فیلسُوفڑے
دفتر وچ دلیل دائرے کُرسی پھیردے
اجے نتیجے تے نہیں پوہنچے
بھئی گھیر وڈیرا پال لمیری
اکدوجی نوں چھوہن لئی اے
یا چھوہن اکدوجی نوں پال لمیری گھیر وڈیرا کرن لئی اے
دوئے کم ایہہ رزق دے تاڑ سنبھال لئی نیں
یا رزق دی تاڑ سنبھال ہے ایہناں کماں وچوں کِسے اِک کم جوگی