میز دوالے بنچ تے بیٹھے
اِک دھوتی اُتے بُشرٹ
اِک الفی اِک پینٹ دو داڑھی نِکی نِکی اِک لمّی
اِک صفا چٹ، پٹے موڈھیاں اُپر دھرے
“چھولے
بابل تیرے محلاں وِچوں
ست رنگیا کبوتر بولے”
داڑھی دھوتی بُشرٹ والے ہیک لائی اے اُچی
“مدھانیاں
ہائے او میریا ڈاڈھیا ربا
کیہناں جمِیاں کیہناں نے لے جانِیاں”
الفی والا اُٹھیائے
بوتل پانی ہری پلاسٹک
شاپر بدھا نِک سُک دھریائے وچالے
پِچھے پال اے رُکھاں تھلے
رات دیہاڑی کر کے فجریں آیاں دی
داڑھی دھوتی بُشرٹ صافے
پرنا ہیٹھ وچھائی سُتے،
کولوں لنگھ گئے نیں
سوٹی سیر والی کھڑکاندے
اِک دو میرے ورگے