“میں کسُمبڑا چُن چُن ہاری”
کافی دا اساں کھیال بنایا
پٹواری وپاری مقدم حاکم آپے بنیاں
آپے کسُنبا چُندیاں کُڑیاں،
پاک پٹن اساں کھیڈن گئیاں
شہروں باہر اِک ٹُووَیل اُتے لتھیاں ستّے بسوں
ہتھ مُونہہ دھو لیّے
چلو اِک واری کھیڈ نہ ویکھیئے؟
ذرا تیاری ہو ویسی،
شام پوے پئی
تارا لتھائے
وت دُوجا
وت تریجا
ساڈے ویہندیاں زِویں اسمان دوئے اِک نہ ہو گئے؟
مٹی رِزم روال کیہڑی تے تارے کیہڑے
مہک چمک کوئی اِکو چار چوپھیرے
اسیں کھیڈن کھلیاں بنھ گھتیرا کافی گاون لگیاں
اِک بُڈھڑا دو کُڑیاں
پَیلیاں وِچوں کِن مِن جنِیاں جَنے وی
بچے بالڑیاں وی
تائییں خبر جے آ پِنڈ پورا ڈُھکیا،
کیہڑی تیاری
آ گئیاں ہاں اسیں اِتھائیں کھیڈ وکھائیے
کھیڈ مُکا میں کُڑیاں کول گئی ہاں جھکدی
“پتہ نہیں گل کیویں تہانوں لگی اے”
چِھلِیاں باہیں کر کے اگیرے آہدیاں نیں
“اساں بِھنڈی چُن کے آئیاں ہاں
ساڈا اج دا کسُمبڑا”
اِک وڈیری آہدی اے “پندھ کر آئیاں جے اڑِئیے
رات رہو ساڈے کول
مِسّی لُونی”